November 2, 2010
ಹರಿನಾಮದರಗಿಣಿಯು ಹಾರುತಿದೆ ಜಗದಿ
ಪರಮ ಭಾಗವತರು ಬಲೆಯ ಬೀಸುವರು ||ಪ||
ಕೋಪವೆಂಬ ಮಾರ್ಜಾಲ ಕಂಡರೆ ನುಂಗುವುದು
ತಾಪವೆಂಬುವ ಹುಲಿಯ ಕೊಂಡೊಯ್ವುದು
ಕಾಪಾಡಲದನೊಯ್ದು ಹೃದಯದೊಳಗಿಂಬಿಟ್ಟು
ಆಪತ್ತಿಗೊದಗುವುದು ಆ ಮುದ್ದು ಅರಗಿಣಿಯು |1|
ದಾರಿಯಲಿ ನಡೆವಾಗ ಚೋರರುಪಟಳವಿಲ್ಲ
ಮಾರಿ ಬಂದರೆ ಅದನು ಹೊಡೆದು ನೂಕುವುದು
ಕ್ರೂರ ಯಮಭಟರನು ಮೂಗು ರೆಕ್ಕಿಲಿ ಬಡಿದು
ದಾರಿ ತೋರುವುದು ಮುರಾರಿ ಪಟ್ಟಣಕೆ |2|
ಎಷ್ಟು ವರ್ಣಿಸಲಿ ನಾ ಈ ಮುದ್ದು ಅರಗಿಣಿಯ
ಹೊಟ್ಟೆಯೊಳಗೀರೇಳು ಜಗವನಿಂಬಿಟ್ಟು
ಸೃಷ್ಟೀಶ ಪುರಂದರ ವಿಠಲನ ನೆನೆ ನೆನೆದು
ಮುಟ್ಟಿ ಭಜಿಸುವುದು ಈ ಮುದ್ದು ಅರಗಿಣಿಯು|3|
1.Audio by Roopa Deepa Kasaravalli
2.Audio by Narasimha Nayaka [song 16]
Posts
6 comments:
thank you so much. may god bless you with all prosperity .
Thanks for your wishes. Keep visiting.
ಹರಿನಾಮದರಗಿಣಿಯು ಹಾಡ್ತಾ ಇಲ್ಲವೇಕೇ? ಕೊಂಡಿ ಸರಿಯಾಗಲಿಲ್ಲವೇ?
ಶ್ರೀಧರ್ ಅವರೇ, ಯಾವ ಕೊಂಡಿ ಸರಿಯಿಲ್ಲ?? ನನಗೆ ಎರಡೂ ಕೊಂಡಿಗಳು ಸರಿಯಾಗಿ ಹಾಡುತ್ತಿವೆಯಲ್ಲ.ಕೆಲವೊಮ್ಮೆ ಈ websiteಗಳು ಕೆಲಸ ಮಾಡುವುದಿಲ್ಲ, ಪುನಃ ಪ್ರಯತ್ನ ಮಾಡಿ ನೋಡಿ.
ಕೊಂಡಿ ತೆರೆಯಿಯಿತು.ಹಾಡು ಕೇಳಿದೆ. ಚೆನ್ನಾಗಿದೆ.ಧನ್ಯವಾದಗಳು.ನಿಮ್ಮ ಪ್ರಯತ್ನಗಳು ಬಹು ಉಪಯೋಗಿಯಾಗಿವೆ.ನಮಸ್ತೆ
-ಶ್ರೀಧರ್
Dhanyavadagalu!
Post a Comment